Aqtoǵaı aýdanyndaǵy О́tes atty aıadaı ǵana aýyldyń jurty búgin tań qarańǵysynan turyp, saılaý ýchaskesine shubyrdy. Úlken-kishiniń bári qalmaı, óz tańdaýyn jasaýǵa asyqqandar qatarynda aýyl aqsaqaly Tilen Kóshkinbaev ta tóbe kórsetti, dep jazady Egemen.kz.
Aqsaqal jalǵyz kelmeı, báıbishesi, otbasy músheleri, nemere-shóberelerimen birge jappaı daýys berdi. Bir áýletten birden 12 adamnyń kelip saılaýǵa belsendi qatysyp jatqany komıssııa músheleri men táýelsiz baıqaýshylardy súısindirdi.
«Qudaıǵa shúkir, jumaqtaǵydaı tirlik keship otyrmyz dep ásirelep aıtýdan aýlaqpyz. El ishi bolǵandyqtan keıbir qıyndyqtar men kemshin qalǵan tustarymyzdyń da kezdesetinin jasyrmaımyz. Áıtse de aýylymyz jyldan-jylǵa kórkeıip, ilgeri basyp keledi. Osydan birer jyl buryn О́teske ortalyqtandyrylǵan sý qubyry tartylǵan edi. Bıyl aýylǵa kiretin jolǵa asfalt tóselip, eldiń qýanyshyn eseledi. Mundaı ıgilikter buryn-sońdy bolmaǵan. Otbasymyzben rıza bolyp jatyrmyz. Qaladan kem emespiz, sýymyz úıde, bári daıyn. Uıadaı ǵana shaǵyn aýyl bolsa da, el ishi berekege toly. Jastarǵa aıtarym, memleket qazir barlyq múmkindikti úıip-tógip berip jatqanda jaǵdaıdy ońtaıly paıdalaný kerek. Oqý kerek pe, mamandyq ataýlynyń tóresin tańdap alyp, tegin bilim alýǵa jol ashyq. Densaýlyq deı me, qaı jerge bas suqsań da, em-dom tegin kórsetiledi. Osy ıgiliktiń barlyǵy qarapaıym halyq úshin jasalyp jatyr», dep óz rızashylyǵyn jetkizdi 78 jastaǵy qarııa.