Aqtaý qalasyndaǵy №21 mektepte ornalasqan №64 saılaý ýchaskesiniń komıssııa músheleri soǵys ardageriniń shańyraǵyna keldi. Bısen Boqaev prezıdent saılaýynda óz tańdaýyn jasap, saılaý bıýlletenine qol qoıyp, daýys berý jáshigine saldy, dep habarlaıdy Egemen.kz.
– Bul saılaýdyń mańyzy aıryqsha. Men elimizdiń jarqyn bolashaǵy úshin, urpaqtarymyzdyń keleshegi úshin daýys berdim. Memleketimizdiń táýelsizdigin nyǵaıtyp, ósip-órkendetý qandaı mańyzdy bolsa, osy uly mindetterdi iske asyratyn prezıdentimizdi tańdap daýys berý de úlken mindet. Saılaýǵa qatysyp, tańdaýyn jasap, daýys berý árbir azamattyń paryzy dep bilemin. Qazaqstanymyz damı bersin, el-jurtymyzdyń aýyzbirshiligi myǵym bolsyn, - deıdi Bısen Boqaev.
Bısen Boqaev 1942-1944 jyldary shekara qyzmetinde áskerı mindetin ótegen. 1944 jyldyń sáýir aıynan 2-shi Ýkraın maıdanynda bolyp, Iаssy-Kıshınev operasııasyna, Bessarabııa men Rýmynııany azat etý urystaryna qatysqan. Soǵys bitken soń shekara áskerlerinde qyzmetin jalǵastyrdy. «Qyzy Tý», «II dárejeli Otan soǵysy», «Jaýyngerlik eńbegi úshin» ordenderiniń ıegeri.