Búgin Semeı qalasyndaǵy 44 mekteptegi saılaý ýchaskelerinde balalar buryshy uıymdastyryldy, dep habarlady Egemen.kz.
«Biz óz saılaý ýchaskemizde balalar buryshyn uıymdastyrdyq. Sebebi ata-analar daýys berip jatqanda, balalar oıynshyqtarmen oınap, baqylaýda bolady. Osylaısha, balalar ata-analardyń daýys berýine kedergi jasamaıdy. Saılaýda balalar ata-analardyń mazasyn alǵan kezder boldy. Osy sebepti bizge balalarǵa arnalǵan jeke oıyn alańyn qurý ıdeıasy keldi», dedi saılaý ýchaskesiniń tóraǵasy Orazbaı Jumaǵalıev.
Oıyn aımaǵynyń yńǵaılylyǵyn saılaýshylardyń ózderi de atap ótti.
«Búgin balammen birge daýys berýge keldim. Shynymen de balalarymen birge kelgen saılaýshylar úshin óte qolaıly jaǵdaılar jasalǵan. Munda olar úshin jeke oıyn orny uıymdastyrylǵan», dedi saılaýshylardyń biri Qundyz Mustafına.