Memleket basshysy Qasym-Jomart Toqaev Tájikstan Respýblıkasynyń Prezıdenti Emomalı Rahmonmen telefon arqyly sóılesti, dep habarlaıdy Egemen.kz Aqordanyń resmı saıtyna silteme jasap.
Tájikstan Prezıdenti Emomalı Rahmon Qasym-Jomart Toqaevty Qazaqstan Respýblıkasynyń kezekten tys Prezıdent saılaýyndaǵy jeńisimen quttyqtady.
Qos basshy kelesi jyldyń basynda eki eldiń arasynda dıplomatııalyq qarym-qatynas ornaǵanyna 30 jyl tolatynyn atap ótti.
Áńgime barysynda taraptar Qazaqstan men Tájikstan halyqtarynyń ıgiligi jolynda yntymaqtastyqty odan ári nyǵaıtýǵa daıyn ekenin jetkizdi.
Sonymen qatar prezıdentter halyqaralyq jáne óńirlik kún tártibindegi ózekti máseleler jóninde pikir almasty.