«Qazgıdromet» sınoptıkteriniń boljamy boıynsha, elimizdiń basym bóliginde aýa raıy nasharlaıdy, dep habarlaıdy Egemen.kz.
22 qarashada Atyraý oblysynyń batysynda, ońtústiginde, soltústiginde tuman kútiledi.
Mańǵystaý oblysynyń soltústiginde, ońtústiginde tuman túsedi.
Aqtóbe oblysynyń shyǵysynda, batysynda, soltústiginde tuman, ortalyǵynda kóktaıǵaq bolýy múmkin.
Túrkistan oblysynyń taýly aýdandarynda jańbyr men qar túrindegi jaýyn-shashyn kútiledi. Batysta, soltústikte, taýly jáne taý bókterinde tuman bolýy múmkin. Oblystyń soltústiginde ońtústik-batystan jel soǵyp, ekpini 15-20 m/s deıin jetedi.
Shymkent pen Túrkistanda tuman saqtalady dep kútilýde.
Túnde Abaı oblysynyń basym bóliginde qar jaýady dep boljanady. Oblystyń soltústiginde tómengi boran kútiledi.
Jetisý oblysynyń taýly aýdandarynda jańbyr, qar jaýyp, tuman túsedi. Oblystyń shyǵysynda jel soǵyp, ekpini 17-22 m/s deıin jetedi.
Sondaı-aq túnde Qaraǵandy oblysynyń soltústiginde tuman bolýy yqtımal.
Ulytaý oblysynyń batysynda, ońtústiginde tuman kútiledi.
Túnde jáne tańerteń Batys Qazaqstan oblysynyń soltústik-batysynda tuman, kóktaıǵaq bolady.
Sınoptıkterdiń aıtýynsha, mundaı aýa raıy Oral qalasynda da baıqalady.
Qyzylorda oblysynyń ortalyǵynda tuman kútiledi.
Soltústik Qazaqstan oblysynyń soltústiginde, shyǵysynda boran bolýy múmkin. Oblystyń soltústiginde, shyǵysynda jel soǵyp, ekpini 15-20 m/s deıin jetedi.