Prezıdent Qasym-Jomart Toqaev ózi jarııalaǵan mańyzdy saıası jáne ekonomıkalyq reformalardy júzege asyrý úshin jańa tolyq 7 jyldyq merzimge taǵaıyndaldy. Ulybrıtanııa Qazaqstannyń keleshek órkendeýin, qaýipsizdigin jáne demokratııa jolyn qoldaý úshin Prezıdentpen jáne onyń úkimetimen birlesip jumys isteýge daıyn.
Bıyl biz tyǵyz seriktestigimizdiń 30 jyldyǵyn atap óttik. О́tkir jahandyq syn-qaterler kezinde seriktestigimizdi odan ári nyǵaıtyp, sol syn-qaterlermen birge kúresip, halqymyzdyń múmkindikterin jaqsartýǵa asyǵamyz.
Biz EQYU-nyń Demokratııalyq ınstıtýttar jáne adam quqyqtary bıýrosynyń (DIAQB) saılaýdy baqylaý mıssııasynyń aldyn ala qorytyndylaryn eskeremiz. Bıyl Konstıtýsııalyq referendýmda jáne basqa da zańdarda qabyldanǵan reformalar ashyq saıası pikirtalas pen saıası básekelestiktiń jańa mádenıetin damytýǵa arnalǵan.
EQYU-ǵa qatysýshy memleketter retinde Ulybrıtanııa da, Qazaqstan da adam quqyqtary men demokratııalyq ınstıtýttardy qurmettemeı turaqty qaýipsizdikke qol jetkizý múmkin emes degen qaǵıdaǵa qosylǵan. Biz DIAQB-nyń aldyn ala jáne qorytyndy baıandamalaryndaǵy usynystar Qazaqstandy, onyń úkimeti men halqy egemendik pen táýelsizdikke qol jetkizgennen keıin 30 jyl ótken soń reformanyń kelesi mańyzdy kezeńin júzege asyryp jatqanda odan ári qoldaıtynyna senemiz.
Ulybrıtanııanyń Qazaqstandaǵy elshiligi