Búgin elorda irgesinde jańadan salynǵan Kóktal-2 eldi mekenindegi dene shynyqtyrý saýyqtyrý sport kesheninde jasóspirim uldar men qyzdar arasynda aýyr atletıkadan Qazaqstan Respýblıkasynyń jeke-komandalyq chempıonaty bastaldy, dep habarlaıdy Egemen.kz elorda ákimdiginiń baspasóz qyzmetine silteme jasap.
Chempıonattyń ashylý rásimine Mádenıet jáne sport vıse-mınıstiri Serik Jarasbaev, Astana qalasy Dene shynyqtyrý jáne sport basqarmasynyń basshysy Samat Jylqybaev, Mádenıet jáne sport mınıstrliginiń dene shynyqtyrý jáne sport komıtetiniń tóraǵasy Elsııar Qanaǵatov, QR aýyr atletıka federasııasynyń bas hatshysy Aldııar Nuralınov, aýyr atletıkadan tórt dúrkin álem chempıony, qazaqstandyq ziltemirshi Ilıa Ilın qatysyp, jas sportshylarǵa sáttilik tiledi. Sondaı-aq chempıonattyń ashylý saltanatyna sport ardagerleri de qatysty.
Dúbirli dodaǵa elimizdiń barlyq oblysy men qalalarynan jınalǵan 300-den astam ziltemirshiler alty kún boıy baq synaıtyn bolady.
Qalalyq sport basqarmasynyń basshysy Samat Jylqybaev Meksıkada ótken jasóspirimder arasyndaǵy álem chempıonatynda julqa jáne serpe kóterýden rekord ornatqan elordalyq Edige Emberdige Halyqaralyq aýyr atletıka federasııasynyń estelik syılyǵyn tabystady.
Jarys qorytyndysy boıynsha ár salmaq dárejesinde medaldar men dıplomdar jıyntyǵy oınatylyp, jalpy komandalyq esep boıynsha jeńimpaz komandalar anyqtalady.
Aıta ketsek, jarys 29 qarashaǵa deıin Kóktal-2 eldi mekenindegi №5 balalar men jasóspirimderdiń mamandandyrylǵan olımpıadalyq rezerv sport mektebinde ótedi.