Astanada aýa raıynyń qolaısyzdyǵyna baılanysty ekinshi aýysymda oqıtyn mektep oqýshylarynyń sabaqtary qysqartyldy, dep habarlaıdy Egemen.kz.
Qala ákimdiginiń málimetinshe, ekinshi aýysymdaǵy sabaqtar qysqartylady. Qarańǵy túskenshe balalar ata-anasynyń qaraýymen qaıtarylady.
«Qazirgi algorıtm boıynsha kúndizgi 12 kezindegi aýa raıy boljamy eskerildi. Ol kezdegi parametrler boıynsha qashyqtan oqytýǵa kóshý múmkin emes. Sondyqtan balalardy qarańǵy túskenshe jiberý úshin ekinshi aýysymdaǵy sabaqtardy qysqartý týraly sheshim qabyldandy», delingen habarlamada.