Almaty qalasy boıynsha QMA departamenti «AlanParking» JShS dırektory Muhtar Bazarbaev pen «Almaty SpesTehParkıng Servıs» JShS dırektory Marat Prınbekovke qatysty qylmystyq isti tergeýdi aıaqtady, dep habarlaıdy Egemen.kz.
Sheneýnikterge 436 mln teńge kóleminde qarajat jymqyrý faktisi boıynsha aıyp taǵylǵan edi. Keltirilgen zalal tolyq kólemde óteldi. Qylmystyq is sotqa jiberildi.
«Bas fıgýrant jáne qylmysty uıymdastyrýshy Murat Boranbaev halyqaralyq izdeýge jarııalandy», dep habarlady Qarjylyq monıtorıngi agenttigi.
Almaty qalasy boıynsha QMA departamenti qala prokýratýrasymen birlesip qala ákimdiginiń kommýnaldyq menshigine «Almaty SpesTehParkıng Servıs» JShS 70% úlesin jáne «AlanParking» JShS 100% úlesin qaıtarý boıynsha sharalaryn qabyldady.
Eske sala ketsek, 14 sáýirde «AlanParking» JShS Bas dırektory Muhtar Bazarbaev qamaýǵa alyndy. Al 18 sáýirde polısııa «Almaty SpesTehParkıng Servıs» JShS dırektory Marat Prınbekovti ustady.