Ekibastuzdaǵy apatty qalpyna keltirý jumystaryna 256 adam men 43 birlik tehnıka jumyldyryldy, dep habarlaıdy Egemen.kz.
«30 qarashada saǵat 23:51-de elektr jelisiniń shamadan tys júktelýine baılanysty Ekibastuz qalasyndaǵy shaǵyn aýdandardyń birinde (Sheshembekov, Toraıǵyrov kósheleri) 8 kópqabatty turǵyn úıge elektr qýatyn berý toqtatyldy. Qala ákimi turǵyndardyń kelisimimen olardy jylý pýnktterine ýaqytsha kóshirý týraly sheshim qabyldady», dep habarlady Pavlodar oblysy ákimdiginiń baspasóz qyzmeti.
Saǵat 00:44-te elektr qýatyn berý qalpyna keltirildi, qonystandyrý oryn alǵan joq. Atalǵan apatty qalpyna keltirý jylýmen qamtýǵa áser etken joq.
«1 jeltoqsan saǵat 08.00-degi jaǵdaı boıynsha No6, 8,9,12,14,15 6 qazandyq jumys isteıdi; 4 qazandyq rezervte (5,7,11,13). 132 kópqabatty úıge jylý berý qalpyna keltirildi, 5A, 5B jáne 6 yqshamaýdandaryndaǵy 114 jeke turǵyn úı jáne 13 áleýmettik nysan, 17 kópqabatty úı ortalyqtandyrylǵan jylý júıesine qosylmaǵan», dep qosty oblys ákimdigi.
Buǵan deıin Ekibastuz qalasynda azamattardy qabyldaý men jylytýdy uıymdastyrý úshin 14 ýaqytsha ornalastyrý pýnkti, 387 jatyn jáne 1540 otyratyn oryn uıymdastyrylǵan bolatyn. Apatty qalpyna keltirý jumystaryna barlyǵy 256 adam men 43 tehnıka jumyldyrylǵan.