Jeltoqsan aıynda aýa temperatýrasy tómendeı beredi, qar mólsheri artady, dep habrlaıdy Egemen.kz «Qazgıdromet» RMK-ǵa silteme jasap.
«Taıaý kúnderi Qazaqstan aýmaǵynyń basym bóliginde aýa raıynyń turaqsyz sıpaty kútiledi, qar, jaıaý burqasyn, jeldiń 15-25 m/s deıin kúsheıýi, elimizdiń ońtústik, ońtústik-shyǵysyndaǵy taýly aýdandarynda qatty qar, tuman, kóktaıǵaq kútiledi. Respýblıkanyń batysy men qıyr soltústiginde aýa raıy jaýyn-shashynsyz bolady», delingen Qazgıdromet habarlamasynda.
Sodan keıin Salehard aýdandarynan arktıkalyq sýyqtyń taǵy bir bóligimen aýa temperatýrasy tómendeıdi:
- elimizdiń batysynda túnde -13-23°C deıin, kúndiz -5-15°C deıin;
- soltústikte jáne ortalyqta túnde -25-33°C deıin, kúndiz -12-25°C deıin;
- shyǵysta túnde -25-37°C deıin, kúndiz -17-23°C deıin;
- ońtústikte jáne ońtústik-shyǵysta túnde -10-22°S deıin, kúndiz -3-13°S deıin.
Birinshi onkúndiktiń sońynda Skandınavııa aýdandarynan sıklon turaqsyz aýa raıyn týdyrady, QR soltústik-batys óńirlerinde, sodan keıin eldiń qalǵan aýmaǵynda aıazdyń álsireýine ákeledi.
Boljam boıynsha 2022 jylǵy jeltoqsannyń ekinshi jáne úshinshi onkúndikterinde Qazaqstannyń basym bóliginde aýa raıynyń jıi ózgerýi kútiledi. Aıazdy kúnder jyly kúndermen almasyp otyrady, sonymen birge qarmen, burqasynmen jáne ekpindi jelmen kútiledi, QR-nyń ońtústik jartysynda jaýyn-shashyn kóbine jańbyr jáne jylbysqy qar túrinde bolady. Sondaı-aq kóktaıǵaq qubylystary men tuman jıi baıqalady.
Bir aı ishinde sıklondyq belsendiliktiń áserinen birneshe qarqyndy jylý tolqyndary kútiledi, al soltústik-batys antısıklondardyń enýi kezinde birneshe sýyq tolqyndar boljanady. Osylaısha, jeltoqsan aıynda aýa temperatýrasynyń aýytqýy jıi baıqalýy kútiledi:
QR soltústik jartysynda túnde -25-35°S-tan -5-13°S-qa deıin, kúndiz -15-25°S-tan 0 -5°S-qa deıin.
QR ońtústik jartysynda túnde -17-23°S-tan -5+2°S-qa deıin, kúndiz -5-10°S-tan +3+10°S-qa deıin.
Jalpy, boljam boıynsha jeltoqsan aıynda respýblıkanyń basym bóliginde ortasha aılyq aýa temperatýrasy norma shamasynda, respýblıkanyń qıyr batysynda, soltústiginde normadan 1° joǵary bolady dep kútilýde.
Jeltoqsan aıynda jaýyn-shashyn mólsheri respýblıkanyń basym bóliginde - normadan kóp, elimizdiń shyǵys bóliginiń basym aımaǵynda, ortalyqta, ońtústikte, ońtústik-shyǵysta norma shamasynda bolady dep boljanýda.