Shetelde júrgen qazaqstandyq qylmyskerler ustaldy. Bul týraly QR Ishki ister mınıstrliginiń ókili Shuǵyla Turlybek brıfıng barysynda aıtty, dep habarlaıdy Egemen.kz.
«Jedel-izdestirý is-sharalary barysynda QR IIM Interpol Ulttyq ortalyq bıýrosynyń qyzmetkerleri sheteldik áriptesterimen birlesip ótken aptada shetel memleketteriniń aýmaǵynda halyqaralyq izdeýde júrgen birqatar qylmyskerlerdi ustady. Máselen, Germanııanyń Ýntershleıshaım qalasynda astanalyq polısııa departamenti Telegram arqyly psıhotroptyq zattardy satqany úshin izdeýde júrgen 22 jastaǵy qazaqstandyqty ustady. Reseıdiń Vladıvostok qalasynda Shymkentte iri kólemde alaıaqtyq jasaǵany úshin izdeýde júrgen 36 jastaǵy elimizdiń azamaty ustaldy», dedi mınıstrlik ókili.
Sondaı-aq onyń aıtýynsha, Ispanııada «Questra Holdings, Questra World, Atlantic Global Asset» JShS qarjylyq pıramıdasyn quryp, ony basqarǵan Reseı Federasııasynyń 35 jastaǵy azamaty ustaldy. Chehııa astanasy Pragada asa iri kólemde alaıaqtyq jasaǵan «AZIIа AVTO – BIPEK AVTO» kompanııalar tobynyń jetekshileriniń biri ustaldy.
Qazirgi ýaqytta barlyq aıyptalýshylar qamaýda, olardy Qazaqstanǵa ekstradısııalaý máselesi sheshilýde.