Dıplomdy ýnıversıtet rektory Qamaljan Nadyrov tabys etti, dep habarlaıdy Egemen.kz.
«Biz bárimiz Eraly Luqpanulyn memlekettik qaıratker retinde bilemiz, biraq onyń kóp jyldar boıy akademııalyq ortada jumys istegenin jáne joǵary oqý oryndarynyń qyzmetimen jaqsy tanys ekenin kópshilik bile bermeıdi. Ol saıasattaný ǵylymdarynyń doktory, zań ǵylymdarynyń kandıdaty, birqatar ǵylymı jarııalanymdary da bar. E.Toǵjanov Astana medısına ýnıversıtetin damytýdyń jańa strategııasyn ázirleýge jáne JOO-ny zertteý ýnıversıtetine aınaldyrý jónindegi naqty is-qımyl josparyn ázirleýge múmkindik berdi», dedi ýnıversıtet rektory óz sózinde.
Aıta ketsek, bıyl Eraly Toǵjanovtyń qoldaýymen medısına qyzmetkeriniń ımıdjin arttyrý jáne mamandyǵyn dáripteý maqsatynda alǵash ret Astana Opera-da Astana medısına ýnıversıtetiniń túlekterine dıplom tapsyrý saltanatty rásimi ótkizildi.
Qazaqstan Respýblıkasy Premer-Mınıstriniń orynbasary laýazymynda Eraly Toǵjanov Qazaqstan aýmaǵynda koronavırýstyń taralýyna jol bermeý jónindegi vedomstvoaralyq komıssııany basqardy. El úshin eń daǵdarysty kezeńde bul komıssııa jedel túrde jaýapty sheshimder qabyldady jáne dárigerler men basqa qyzmetterge pandemııaǵa tıimdi qarsy turýǵa atsalysty.
«Eraly Luqpanuly halyqtyń densaýlyǵyna erekshe kóńil bóledi. Kezdesý barysynda Biz Aqtóbe oblysy turǵyndarynyń densaýlyǵyn jaqsartýǵa baılanysty máselelerdi talqyladyq. Oblys ákimi táýekel faktorlaryn, onyń ishinde Aqtóbe oblysy halqynyń densaýlyǵyna áser etetin ekologııalyq aspektilerdi zerdeleýge baǵyttalǵan zertteýler júrgizýge kelisim bildirdi. Jaqyn arada biz oblystyń densaýlyq saqtaý júıesiniń tıimdiligin arttyrýǵa jáne halyqtyń densaýlyǵyn jaqsartýǵa baǵyttalǵan birqatar jobany talqylaýǵa kirisemiz», dedi Qamaljan Nadyrov.
«Astana medısına ýnıversıtetiniń qurmetti professory» ataǵy ýnıversıtettiń bedeli men tanylýyna úles qosqan pedagogter men ǵalymdarǵa ǵana emes, sonymen qatar úkimettik emes jáne halyqaralyq uıymdardyń ókilderine, ýnıversıtetpen tyǵyz ǵylymı jáne oqý-ádistemelik baılanysy bar jáne bilim-ǵylymnyń, densaýlyq saqtaýdyń damýyna úles qosqan qoǵamdyq jáne saıası qaıratkerlerge de beriledi.