Búgin Parlament Májilisiniń jalpy otyrysynda «Qoǵamdyq baqylaý týraly» jáne «Qazaqstan Respýblıkasynyń qoǵamdyq baqylaý máseleleri jónindegi keıbir zańnamalyq aktilerge ózgerister men tolyqtyrýlar engizý týraly» Qazaqstan Respýblıkasynyń zań jobalary («Onlaın petısııalar») birinshi oqylymda maquldandy, dep habarlaıdy Egemen.kz.
Atalǵan aktiler quqyqtyq jaǵdaılar jasaý maqsatynda ázirlengen edi.
«Ázirlengen zań jobasy – bul barlyq múddeli taraptar, onyń ishinde qurmetti sarapshy, zańgerler, quqyq qorǵaýshylar, qoǵam qaıratkerleri kirgen jumys tobynyń barlyq músheleriniń ujymdyq eńbegi. Zań jobalary elde qoǵamdyq baqylaýdy júzege asyrýdyń tıimdi júıesin qurýǵa múmkindik beredi», dedi Aqparat jáne qoǵamdyq damý mınıstri Darhan Qydyráli.
Máselen zań jobasyna sáıkes qoǵamdyq baqylaýdy júzege asyratyn adamdardyń, onyń ishinde Qazaqstan Respýblıkasynyń azamattary men kommersııalyq emes uıymdardyń quzireti edáýir keńeıtildi.
«Qoǵamdyq baqylaý týraly» zań jobasynda alǵash ret qoǵamdyq baqylaýdy júzege asyrýdyń zańdylyǵy, jarııalylyǵy, ashyqtyǵy, eriktiligi men táýelsizdigi belgilendi.
Sonymen birge Májiliste onlaın petısııalar ınstıtýtyn engizý máseleleri boıynsha túzetýler qaraldy. Onda árbir qazaqstandyq arnaıy platforma arqyly onlaın petısııalar jasaý bastamasyn kótere alady.