Memleket basshysy Qasym-Jomart Toqaev Joǵary Eýrazııalyq ekonomıkalyq keńes otyrysynda halyqaralyq uıymdardyń boljamdary kóńil kónshitpeıtinin aıtty, dep habarlaıdy Egemen.kz.
«Halyqaralyq valıýta qory 2023 jyly álemdik ekonomıkanyń ósimine qatysty boljamdy 2,7 paıyzǵa, Dúnıejúzilik saýda uıymy 1 paıyzǵa deıin tómendetti. Osyǵan oraı Eýrazııalyq ekonomıkalyq komıssııanyń deregi boıynsha, EAEO-ǵa múshe elderdegi tutyný baǵasy ósip keledi», dedi Prezıdent.
Onyń aıtýynsha, qazan aıynda Odaqtaǵy ınflıasııa deńgeıi 11,5 paıyzdy qurady. Onyń negizgi ósimi azyq-túlik jáne azyq-túlik emes taýarlarǵa tıesili. Munyń bári azamattardyń satyp alý qabileti men áleýmettik ál-aýqatyna aıtarlyqtaı áser etedi.