Senattyń Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda depýtattar azamattyq qorǵanys jáne tótenshe jaǵdaıdy joıýdaǵy yntymaqtastyq týraly zań jobalaryn talqylady, dep habarlaıdy Egemen.kz.
«Qazaqstan Respýblıkasynyń Úkimeti men О́zbekstan Respýblıkasynyń Úkimeti arasyndaǵy tótenshe jaǵdaılardyń aldyn alý jáne olardy joıý salasyndaǵy yntymaqtastyq týraly kelisimdi ratıfıkasııalaý týraly» jáne «Qazaqstan Respýblıkasynyń Úkimeti men Túrikmenstannyń Úkimeti arasyndaǵy Azamattyq qorǵanys, tótenshe jaǵdaılardyń aldyn alý jáne olardy joıý salasyndaǵy yntymaqtastyq týraly kelisimdi ratıfıkasııalaý týraly» zańdardyń jobalary taraptardyń tótenshe jaǵdaıdyń aldyn alý jáne olardy joıýdaǵy ózara is-qımylyn kúsheıtýge baǵyttalǵan.
Zań jobalary tótenshe jaǵdaılarǵa monıtorıng jasaý jáne boljaý týraly derekter almasýdy, sondaı-aq quzyretti organdardyń ózara is-qımylyn uıymdastyrýdy qamtamasyz etýge múmkindik beredi. Qujattar sonymen qatar azamattyq qorǵanys jáne mamandardy oqytý salasyndaǵy yntymaqtastyqty údete túsýdi kózdeıdi.
«Komıtettiń keńeıtilgen otyrysynyń qorytyndysy boıynsha osy zań jobalaryn Palatanyń qaraýyna jiberý týraly sheshim qabyldandy», dep jazylǵan Senattyń baspasóz qyzmeti taratqan habarlamada.