Keshe Túrkistan oblysynyń Saýran jáne Sozaq aýdandaryndaǵy yqtımal sý tasqyny men sel jaǵdaılarynyń táýekelderin baǵalaý maqsatynda qutqarýshylar men ákimdik ókilderi Qazavıaqutqarý tikushaǵynda 21 sý qoımasy men taýly aýmaqty aınalyp ótti, dep habarlaıdy Egemen.kz Tótenshe jaǵdaılar mınıstrliginiń baspasóz qyzmetine silteme jasap.
Ekologııa, geologııa jáne tabıǵı resýrstar jáne kózben sholyp qaraý mınıstrligi Sý resýrstary komıtetiniń Syrdarııa basseındik ınspeksııasynyń derekterine sáıkes Saýran aýdanynyń 8 sý qoımasynyń jáne Sozaq aýdanynyń aýmaǵyndaǵy 13 sý qoımasynyń jaı-kúıi jaramdy dep baǵalanady jáne olarda kólemniń shamamen 20-25 paıyzy jınaqtalǵan. Qarataý bókterinde qardyń jınaqtalǵan qory 4-6 sm quraıdy.
Jyl basynan beri barlyǵy 13 aerovızýaldy ushý júrgizildi. Túrkistan oblysynyń Tótenshe jaǵdaılar departamenti sý tasqyny qaýpi bar kezeńde sý qoımalarynyń gıdrotehnıkalyq qurylystarynyń jaı-kúıin jáne olardyń jumys rejımin turaqty baqylaýda ustaıdy.