Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń depýtattary Ekologııa, geologııa jáne tabıǵı resýrstar mınıstrliginiń basshylyǵymen kezdesýde balyq sharýashylyǵy salasyn damytýdyń ózekti máselelerin talqylady, dep habarlaıdy Egemen.kz Senattyń baspasóz qyzmetine silteme jasap.
Depýtattar otyrys barysynda balyq sharýashylyǵy el ekonomıkasyna, shaǵyn jáne orta bıznesti damytýǵa, halyqtyń turmysyn jaqsartýǵa yqpal etetin áleýeti zor aýyl sharýashylyǵy salasy ekenin atap ótti. Oǵan qosa, balyq aýlaý, ony qorǵaý, ósirý, óńdeý jáne tasymaldaý, balyq ónimderin eksporttaý jáne ımporttaý elimizdiń azyq-túlik qaýipsizdigine de áser etedi.
«Sońǵy jyldary balyq sharýashylyǵyna memlekettik qoldaý kórsetýdiń arqasynda balyq sharýashylyǵymen aınalysatyn sýbektiler sany kóbeıdi jáne balyq ósirý kólemi de ulǵaıǵanyn aıta ketken jón. Biraq búgingi qyzý jáne ashyq pikirtalasta osy salada birqatar sheshilmegen máseleler bar ekeni anyqtalyp otyr. Biz óz tarapymyzdan júktelgen mindetterdi oryndaý úshin bar kúsh-jigerimizdi salatynymyzǵa senimdimin», dedi senator Álı Bektaev.
Kezdesýge Ekologııa, geologııa jáne tabıǵı resýrstar mınıstriniń orynbasary Álııa Shalabekova, salalyq memlekettik mekemelerdiń basshylary men ókilderi, oblys ákimderiniń orynbasarlary jáne osy saladaǵy mamandar qatysty.
Senatorlar otyrys qorytyndysy boıynsha tıisti memlekettik organdarǵa jiberetin usynymdar paketin ázirleıdi.