Qazaqstandyq sınoptıkter 23 jeltoqsanǵa arnalǵan aýa raıy boljamyn usyndy, dep habarlaıdy Egemen.kz.
«Qazgıdromet» RMK málimetinshe, eldiń basym bóliginde qar jaýady. Tek soltústik-batysta, ońtústik-batysta, eldiń ortalyǵynda soltústik-batys antısıklon sileminiń áserinen jaýyn-shashynsyz aýa raıy kútiledi.
«Respýblıkanyń soltústik-batysynda, ońtústiginde, ońtústik-shyǵysynda tuman, batysynda, ońtústik-shyǵysynda kóktaıǵaq, Qazaqstannyń soltústiginde, batysynda, ońtústiginde jel kúsheıip, boran soǵady dep kútilýde», delingen habarlamada.
Astanada - aýyspaly bult, kúndiz - qar, boran kútiledi. Ońtústik-batystan jel soǵyp, ekpini 15-20 m/s deıin jetedi.
Almatyda - aýyspaly bult, túnde qar, tuman, kóktaıǵaq bolady dep boljanady.
Shymkentte - kún jaýyn-shashynsyz ótedi, aýyspaly bulttylyq baıqalady.