Indýstrııa jáne ınfraqurylymdyq damý mınıstrliginiń «Ashyq saǵat alańynda» elimizdegi tas óńdeý ónerkásibiniń ózekti máseleleri qaraldy, dep habarlaıdy Egemen.kz vedomstvonyń baspasóz qyzmetine silteme jasap.
Atalǵan keńes IIDM Indýstrııalyq damý komıtetiniń Qurylys ındýstrııasy jáne aǵash óńdeý ónerkásibi basqarmasynyń basshysy Muhamed Andakovtyń tóraǵalyǵymen ZOOM formatynda ótti.
Qazir Qazaqstan naryǵynda tas ónimderin óndiretin 15-ten astam kásiporyn jumys isteıdi. Osy jyldyń 10 aıynda óndiris kólemi 658,4 myń tonnaǵa jetti. Osy baǵytta óndirýshilermen 2022 jylda atqarylǵan jumystardyń nátıjesi talqylandy. Vedomstvo ókiliniń aıtýynsha, bıyl elimizdiń aýmaǵyna tek sertıfıkattaýdan ótkizilip, ımporttalǵan tas ónimderin (jıekter, tósenishter, qabyrǵa materıaldary jáne t.b.) ákelý máselesi sheshildi.
Sondaı-aq otandyq tas ónimderin óndirýshilerdi qoldaý maqsatynda osy jyldyń 24-shi tamyzynan bastap Úkimettiń №606 qaýlysy kúshine enip, soǵan sáıkes tek otandyq óndirýshilerge ǵana memlekettik satyp alýlarǵa qatysý múmkindigi berilip otyr.