2022 jylǵy 1 jeltoqsandaǵy jaǵdaı boıynsha 140,6 myń otbasyndaǵy 724,1 myń adamǵa ataýly áleýmettik kómek taǵaıyndaldy. Bıyl osy maqsattarǵa bıýdjetten 59,4 mlrd teńge bólindi. Bul týraly Egemen.kz Eńbek jáne áleýmettik qorǵaý mınıstrliginiń baspasóz qyzmetine silteme jasap habarlaıdy.
AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeıiniń 70%-ynan tómen azamattarǵa taǵaıyndalady.
Budan basqa AÁK kórsetýdiń jańa tetigin iske asyrý sheńberinde elimizdiń barlyq óńirinde tabysy az otbasylardyń mektep jasyna deıingi balalaryn kepildik berilgen áleýmettik toptamamen qamtamasyz etý boıynsha jumys júrgizilip jatyr.
2022 jylǵy 1 jeltoqsanda AÁK alýshylar qataryndaǵy 1 jastan 6 jasqa deıingi 191,1 myń balaǵa azyq-túlik jáne turmystyq hımııa jıyntyǵy túrinde áleýmettik toptama taǵaıyndaldy.
Azamattardyń áleýmettik toptamany zattaı formattan aqshalaı formatqa aýystyrý týraly usynystaryn eskere otyryp, 2023 jyldan bastap mektep jasyna deıingi balalar úshin kepildendirilgen áleýmettik toptamany monetızasııalaý júzege asyrylady. Azyq-túlik pen turmystyq hımııa jıyntyǵynyń ornyna ár balaǵa 1,5 AEK mólsherinde qosymsha tólem belgilenedi. Osylaısha, ata-analarǵa balalardyń jeke qajettilikterine qaraı óz betinshe azyq-túlik satyp alý múmkindigi beriledi.