Qazaqstannyń Bas prokýrory Berik Asylov Ulttyq qaýipsizdik komıteti tóraǵasynyń burynǵy birinshi orynbasary Samat Ábish qańtardaǵy tártipsizdikterge qatysty qylmystyq isterde tek kýáger retinde ótip jatqanyn aıtty, dep habarlaıdy Egemen.kz.
Májilis aıasynda jýrnalıster Bas prokýrordan UQK basshysynyń burynǵy birinshi orynbasary jaıly surady.
«Ol jaı ǵana kýáger retinde kýálik etti», dep naqtylady Berik Asylov.
Eske sala ketsek, 2022 jyldyń 17 qańtarynda Qazaqstan Prezıdenti Qasym-Jomart Toqaev UQK tóraǵasynyń birinshi orynbasary Samat Ábishti qyzmetinen bosatty. Ol bul qyzmetti 2015 jyldyń jeltoqsanynan bastap atqarǵan.