О́skemende esirtki satýshydan 11 keliden astam esirtki tárkilendi, dep habarlaıdy Egemen.kz.
О́skemen qalasy PB Ertis polısııa bóliminiń krımınaldyq polısııa qyzmetkerleri baý-baqsha qoǵamdarynyń birinde salmaǵy 105 gramnan asatyn marıhýanany ótkizý faktisin anyqtady.Belgili bolǵandaı, 31 jastaǵy jergilikti turǵyn 27 jastaǵy jigitke esirtkini 38 000 teńgege satqan.
«Jedel-izdestirý is-sharalary barysynda PD qyzmetkerleri kúdikti bolǵan VAZ avtokóligin toqtatty. Kóliktiń ishinen oralǵan sómke tabyldy. Sonymen qatar tintý kezinde avtokólikten erekshe ıisi bar qońyr-jasyl tústi untaq tárizdi zaty bar úsh orama tabylyp, tárkilendi. Saraptama qorytyndysyna sáıkes, býmalardyń ishinde 10 keliden astam keptirilgen marıhýana jáne 1,9 kelige jýyq gashısh bolǵan», dedi polısııa.
Kúdikti ýaqytsha ustaý ızolıatoryna qamaldy. Atalǵan fakti boıynsha sotqa deıingi tergeý amaldary júrip jatyr.