Qaraǵandy oblysynda kámelet jasqa tolmaǵan alty bala er adamdy uryp óltirgeni úshin 6 jyl 8 aıǵa sottaldy, dep habarlaıdy Egemen.kz.
Is materıaldaryna sáıkes, jasóspirimder dosy úshin kek alý maqsatynda er adamdy soqqyǵa jyqqan.
«2020 jyldyń 30 mamyrynda sottalýshylardyń árqaısysy kámeletke tolmaǵan D-ny qorǵaý úshin keshirim suraýdy talap etý kezinde G-ny kezekpen urǵan. Jábirlenýshi keshirim surap, uryp-soǵýdy toqtatýdy suraǵan, biraq jasóspirimder ony urýdy toqtatpaǵan. Oqıǵa saldarynan G. esimdi er adam alǵan jaraqattarynan qaıtys boldy», dep habarlaıdy Qaraǵandy oblysynyń kámeletke tolmaǵandardyń isteri jónindegi mamandandyrylǵan sotynyń baspasóz qyzmeti.
Jábirlenýshi tarap jaýapkerlerdi kináli dep tanyp, 10 000 000 teńge moraldyq zııandy óteý týraly azamattyq talap aryzyn qanaǵattandyrýdy surady.
«Sottalýshylar QR Qylmystyq kodeksiniń 106-baby boıynsha qylmystyq-atqarý júıesiniń ortasha qaýipsizdik mekemesinde jazasyn óteý úshin 6 jyl 8 aıǵa bas bostandyǵynan aıyryldy. Sondaı-aq sottalǵandardan jábirlenýshi taraptyń paıdasyna 10 000 000 teńge kóleminde moraldyq shyǵyn óndirildi», dep atap ótti departamentte.
Úkim zańdy kúshine engen joq.