Úkimet 2023 jylǵy 11 qańtarda №13 «Qazaqstan Respýblıkasynyń aýmaǵyna 2022 jylǵy 1 qyrkúıekke deıin ákelingen kólik quraldarynyń jekelegen sanattaryn bastapqy tirkegeni úshin alym mólsherlemesin qoldaný qaǵıdalaryn, sharttary men merzimderin bekitý jáne osyndaı kólik quraldaryn ákelýdi júzege asyrǵan jeke tulǵalardy óndirýshilerdiń (ımporttaýshylardyń), sondaı-aq kólik quraldary sanattarynyń keńeıtilgen mindettemelerinen bosatý týraly» qaýlyǵa qol qoıdy, dep habarlaıdy Egemen.kz IIM-ge silteme jasap.
Qaǵıdalarda Qazaqstan Respýblıkasynyń aýmaǵyna 2022 jylǵy 1 qyrkúıekke deıin ákelingen kólik quraldarynyń jekelegen sanattaryn bastapqy tirkegeni jáne osyndaı kólik quraldaryn ákelýdi júzege asyrǵan jeke tulǵalardy ýtıl alym tóleýden bosatqany úshin 200 000 teńge mólsherinde alym mólsherlemesin qoldaný tártibi, sharttary men merzimderi aıqyndalady.
Qaǵıdalar 2023 jyldyń 1 shildesine deıin qoldanylady. Memleket basshysynyń sheteldik avtomobılderdi zańdastyrý jáne joldarda quqyqtyq tártipti qamtamasyz etý jónindegi tapsyrmasyn iske asyrý jónindegi sharalar týraly 12 qańtar kúni saǵat 12:00-de Ishki ister mınıstriniń orynbasary Lepeha Igor Vladımırovıch ortalyq kommýnıkasııalar qyzmetinde ótetin brıfıngte aıtyp beredi.