Tótenshe jaǵdaılar mınıstrligi Aqtaý qalasyndaǵy tehnıkalyq qyzmet kórsetý stansııasynda bolǵan jarylys týraly tolyq málimet berdi, dep habarlaıdy Egemen.kz.
TQS qyzmetkeri qaıtys boldy, kúıik shalǵan taǵy úsh er adam Mańǵystaý oblystyq aýrýhanasyna jatqyzyldy.
Búgin saǵat 18:20-da Mańǵystaý oblysy TJD «101» pýltine Aqtaý qalasyndaǵy tehnıkalyq qyzmet kórsetý stansııalarynyń birinde órt shyqqany týraly habarlama túsken.
Tótenshe jaǵdaılar mınıstrligi órt kezinde 6 turmystyq gaz ballony jarylǵanyn habarlady.
Bul rette órtti joıý barysynda órt sóndirýshiler óz ómirlerine qaýip tónip turǵan taǵy 17 gaz ballonyn shyǵaryp úlgerdi. О́rt saǵat 18:48-de sóndirildi. О́rt aýmaǵy 50 sharshy metrdi quraıdy.
О́rtti aýyzdyqtaýǵa 25 órt sóndirýshi-qutqarýshy qyzmetkerleri jiberildi. Sondaı-aq 6 birlik órt sóndirý tehnıkasy jumyldyryldy. Oqıǵa ornyna TJM Apattar medısınasy ortalyǵynyń qyzmetkerleri jiberildi.