Munda ol Annenskaıa shahtasyna túsip, mys óndirýdiń tehnologııalyq prosesterimen tanysyp, kenshilermen áńgimelesti.
Ken ornynda 1780 adam jumys isteıdi. Mundaǵy ortasha jalaqy - 762 myń teńge.
Sondaı-aq UEM basshysy «Kazakhmys Smelting» quramyna kiretin Jezqazǵan mys balqytý zaýytynyń jumysymen tanysty. Kásiporyn 497 myń tonna kóleminde mys konsentratyn óńdeıdi jáne jylyna 178 myń tonna katodty mys óndiredi.
Jezqazǵan mys balqytý zaýytynda 2 myńnan astam adam turaqty jumys oryndarymen qamtamasyz etilgen. Metallýrgterdiń ortasha jalaqysy aıyna 518 myń teńgeni quraıdy.
Atap aıtqanda, mınıstr birneshe sehtardy aralap, kásiporynnyń jumys barysymen tanysty. «Kazakhmys Smelting» kompanııasynyń bas dırektory Jánibek Baıǵabelov zaýytty jańǵyrtý, óndiristiń kelesi kezeńderin iske qosý týraly josparlarymen bólisti. Sondaı-aq ol problemalyq máselelerdi kóterdi. Máselen, búginde gaz jáne jabyq vagondardyń tapshylyǵy máselesi ózekti bolyp otyr.
О́ńirlik damý saıasatyna jaýapty Ulttyq ekonomıka mınıstrligi monoqalalardy damytý boıynsha belsendi jumys júrgizip jatyr. Bul baǵytta ınjenerlik jáne kóliktik ınfraqurylymdy jańǵyrtýǵa, sondaı-aq monoqalalardaǵy halyqtyń ómir súrý deńgeıine erekshe nazar aýdarylady. 2020-2022 jyldary QR UEM bıýdjettik baǵdarlamasy aıasynda Sátpaev qalasynda «Batys, shyǵys aýdandary men №8 shaǵyn aýdan aýmaǵynyń jer ústi sýlaryn tómendetý jáne burý» jobasyn iske asyrýǵa respýblıkalyq bıýdjetten 1,1 mlrd teńge bólindi.
Jalpy alǵanda, monoqalalardy damytý máseleleri mınıstrliktiń turaqty baqylaýynda.