Qazaqstan sınoptıkteri 18 qańtarǵa arnalǵan aýa raıy boljamyn usyndy, dep habarlaıdy Egemen.kz.
«Qazgıdromet» RMK usynǵan derekterge qaraǵanda, elimizdiń barlyq aýmaǵyna jaýyn-shashynsyz aýa raıy saqtalatyn aýqymdy antısıklon áser etedi. Tek respýblıkanyń shyǵysynda atmosferalyq frontaldy bólimderdiń ótýimen azdaǵan qar, tómen qarly boran, eldiń ońtústiginde – jeldiń kúsheıýi, tuman kútiledi.
«Túnde Jetisý jáne Almaty oblystarynyń soltústiginde, shyǵysynda, taýly aýdandarynda -25-26 gradýstyq aıaz saqtalady», deıdi sınoptıkter.
Astanada kún bultty, jaýyn-shashynsyz ótedi. Batys, ońtústik-batystan soqqan jeldiń ekpini 2-7 m/s deıńn jetedi. Aýa temperatýrasy túnde -22-24°S, kúndiz -13-15°S.
Almatyda da jaýyn-shashynsyz aýa raıy saqtalady. 0-5 m/s deıin jel soǵady. Aýa temperatýrasy túnde -15-17°S, kúndiz -5-7°S.
Shymkentte azdaǵan bult kútiledi. Shyǵystan jel soǵyp, 3-8 m/s jetedi. Aýa temperatýrasy túnde -13-15°S, kúndiz -1 + 1°S.