Astanalyq emhanalarda pılotty rejımde jedel medısınalyq kómek bólimsheleri ashyldy, dep habarlaıdy Egemen.kz elorda ákimdiginiń resmı saıtyna silteme jasap.
Qalalyq №4, №5 jáne №10 emhanalarda jedel medısınalyq kómek bólimsheleri iske qosyldy. Negizgi maqsat – stasıonardaǵy dárigerler júktemesin azaıtý jáne shuǵyl alǵashqy kómek qoljetimdiligin arttyrý.
«Bizdiń bólimshe jumys kúnderi saǵat 8:00-den keshki 18:00-ge deıin jumys isteıdi. Munda travmatolog pen hırýrg, terapevt dárigerler qabyldaý júrgizedi, shuǵyl qajet bolǵan jaǵdaıda naýqastarǵa stasıonarda kezek kútýdiń qajeti joq. Fıltr kabınette joǵary dene qyzýy, murynnan sý aǵý syndy maýsymdyq JRVI, ózge de ınfeksııa belgilerimen, al qalǵan naýqastardy shuǵyl alǵashqy medısınalyq kómek bólimi qabyldaıdy», deıdi №10 qalalyq emhananyń bólim meńgerýshisi Arman Álibekov.
Aıta keteıik, jedel járdem kómegine júginetin naýqastar densaýlyq jaǵdaıyna qaraı 4 sanatqa bólinedi. О́mirge jáne densaýlyqqa qaýpi bar tizimge alǵashqy 3 kategorııa jatady. Endi 4-sanattaǵy naýqastar, ıaǵnı ómirine asa qaýip tónbeı, sozylmaly aýrýlary asqynǵan nemese jedel ótkir aýrýlarǵa tap bolǵan turǵyndar tikeleı emhanaǵa baryp, medısınalyq kómek ala alady.