Keshe saǵat 19:30-da Qyzylorda oblysy Qazaly aýdanyndaǵy sport klýbynyń janynda er adamdar arasynda janjal boldy, dep habarlaıdy Egemen.kz.
Polisia.kz taratqan málimet boıynsha, oqıǵa ornyna shuǵyl túrde polısııa narıadtary men jedel-tergeý toby barǵan. Qabyldanǵan jedel sharalar nátıjesinde tóbeles toqtatylǵan. Polısııa bólimine 8 azamat jetkizilgen. Zardap shekkender joq. Polısııaǵa shaǵymdar men aryzdar túspegen.
Bul fakt QR QK-niń 293-baby 2-bóliginiń 1-tarmaǵy boıynsha sotqa deıingi tergeýdiń biryńǵaı tiziliminde tirkelgen. Tergeý júrip jatyr.
«Aýdan aýmaǵynda qoǵamdyq tártipti qamtamasyz etý maqsatynda patrýldik polısııa men ýchaskelik ınspektorlardyń narıadtary kúsheıtildi. Profılaktıkalyq jumystar júrgizilip jatyr. Aýdandaǵy krımınogendik jaǵdaı turaqty», dedi Qazaly aýdany polısııa bólimi bastyǵynyń birinshi orynbasary Ǵanıbek Qurmanalıev.