2022 jyldyń qańtar-jeltoqsan aılary aralyǵynda 43 jataqhana paıdalanýǵa berildi. Odan bir jyl buryn 82 jataqhana salynǵan edi, dep habarlaıdy Egemen.kz Finprom sarapshylaryna silteme jasap.
О́z kezeginde, salynǵan ǵımarattardyń jalpy aýdany birden 65%-ǵa qysqaryp, 72,9 myń sharshy metrdi qurady. Jataqhanalardyń paıdalaný alańy 148,9 myńnan 58,9 myń sharshy metrge deıin qysqarǵan (mınýs 60,4%). Jańa ǵımarattardyń qurylys kólemi de 763,4 myńnan 234,7 myń tekshe metrge deıin azaıǵan.
Qurylystyń naqty quny bir jyl buryn 53,5 mlrd teńge bolsa, bıyl 11 mlrd teńgeni quraıdy.
El boıynsha paıdalanýǵa berilgen 43 jataqhananyń 25-i aýyldyq jerlerge tıesili, al olardyń jalpy aýdany 19,5 myń sharshy metrdi quraıdy.
О́ńirlik bóliniste salynǵan jataqhanalardyń eń úlken jalpy aýdany elordada tirkeldi - 15,7 myń sharshy metr. Ekinshi jáne úshinshi oryndarda Shymkent (12,4 myń sharshy metr) jáne Pavlodar oblysy (9,4 myń sharshy metr) tur.
2021 jyly bilim berý uıymdarynyń jataqhanalarynda turǵan stýdentterden túsken tólem 4,3 mlrd teńgeni qurady, bul ótken jylmen salystyrǵanda 58,1%-ǵa artyq.
Gúlshahra SANSYZBAI