Qazaqstan Respýblıkasy Ádilet mınıstrliginiń qoldaýymen Halyk Homebank mobıldik qosymshasynda jańa servıs paıda boldy, endi zańdy tulǵanyń ataýy, onyń BSN (bıznes-sáıkestendirý nómiri), memlekettik tirkeý orny men kúni, basshysy jáne quryltaıshylarynyń derekteri men elimizdegi fılıaldar men ókildikter týraly aqparattardy mobıldi qosymshadan bilýge bolady, dep habarlaıdy Egemen.kz.
Bul týraly Ádilet mınıstrliginiń resmı ókili Talǵat Ýálı habarlady.
Bul aqparat senimdi seriktes nemese senimdi jumys berýshini izdeýde paıdaly. Jańa qyzmetti paıdalaný qarapaıym jáne ońaı. Halyk Homebank qosymshasynda «Memlekettik qyzmetter» bólimine ótip, «anyqtamalar» bólimin tańdaý qajet. Ol bólimde «Zańdy tulǵalar týraly málimetter» batyrmasy boıynsha barlyq qajetti derekter qoljetimdi.