Taraz qalasynyń prokýratýrasy Jambyl oblysy IID uıymdasqan qylmysqa qarsy kúres basqarmasymen birlesip, qala aýmaǵynda júrgizilgen jedel-izdestirý is-sharalary barysynda jańa týǵan nárestelerdi satý faktisin anyqtady, dep habarlaıdy Egemen.kz.
Atalǵan fakti boıynsha, qalalyq prokýratýranyń habarlamasynda kórsetilgendeı, Qazaqstan Respýblıkasynyń Qylmystyq kodeksiniń 135-baby 1-bóligi boıynsha sotqa deıingi tergeý bastaldy.
Sábı saýdalaý kúdigimen Taraz qalalyq kópsalaly aýrýhanasynyń eki medısına qyzmetkeri ustaldy.
«Bul tulǵalar Qylmystyq-prosestik kodekstiń 128-babyna sáıkes ýaqytsha ustaý ızolıatoryna qamaldy. Qylmystyq istiń tergeýi qalalyq prokýratýranyń baqylaýynda», dep habarlady Taraz qalasy prokýratýrasynyń baspasóz qyzmetinen.