Astanada qalanyń mamandandyrylǵan aýdanaralyq tergeý soty Qazaqstannyń Ulttyq qaýipsizdik komıtetiniń úsh qyzmetkerin qamaýǵa alýǵa sanksııa berdi. Olarǵa azaptaý faktileri boıynsha aıyp taǵyldy, dep habarlaıdy Egemen.kz.
«2023 jyldyń 25 qańtarynda Astana qalasynyń mamandandyrylǵan aýdanaralyq tergeý soty kúdiktiler E.I.Amanov, H.S.Ábdiǵalı, K.B.Sartaıǵa qatysty eki aı merzimge qamaýda ustaý túrindegi bultartpaý sharasyna sanksııa berdi», delingen Astana sotynyń baspasóz qyzmeti taratqan habarlamada.
Qalalyq sottan túsindirilgendeı, sotqa deıingi tergep-tekserýdiń basqa derekteri QR QIJK 201-babyna sáıkes jarııa etilmeıdi.
Buǵan deıin UQK-niń úsh qyzmetkeri elordalyq tergeý ızolıatorlarynyń birinde kúdiktilerdi azaptaǵany anyqtaldy.