19 qańtar kúni saǵat 12:25 shamasynda Atyraý oblysy PD ekstremızmge qarsy is-qımyl basqarmasynyń qyzmetkerleri jedel-profılaktıkalyq is-shara júrgizdi, dep habarlaıdy Egemen.kz.
Is-shara barysynda destýrktıvti dinı aǵymnyń radıkaldy baǵytyn ustanǵan 1995 jáne 1996 jyly týǵan azamattardan 1 qara tústi polıetılen jáne 2 qoıý jasyl tústi qaǵaz oramasy tárkilendi.
«Hımııalyq ekspertıza qorytyndysy boıynsha tárkilengen zattar 186 gramm marıhýana ekendigi belgili boldy», dep jazylǵan Rolisia.kz taratqan habarlamada.
Atalǵan fakti QR QK-niń 296-babynyń 2-bóligi boıynsha tirkeldi, qazir sotqa deıingi tergeý amaldary júrgizilip jatyr. О́zge aqparat QR QPK-niń 201-babyna sáıkes jarııalanýǵa jatpaıdy.