QR Úkimetiniń qaýlysymen Qanat Jumabaıuly Ysqaqov Qazaqstan Respýblıkasy aqparat jáne qoǵamdyq damý vıse-mınıstri qyzmetine taǵaıyndaldy, dep habarlaıdy Egemen.kz.
Qanat Ysqaqov 1982 jyly Shymkent qalasynda dúnıege kelgen. Ál-Farabı atyndaǵy Qazaq ulttyq ýnıversıtetin, M.Lomonosov atyndaǵy Máskeý memlekettik ýnıversıtetin támamdaǵan.
Eńbek jolyn 2005 jyly Memlekettik jastar saıasatyn damytý qorynyń jetekshi mamany retinde bastaǵan.
2006-2009 jyldary – QR Mádenıet jáne aqparat mınıstrliginiń Qoǵamdyq-saıası jumys departamentiniń bas mamanynyń m. a.; bas mamany; sarapshysy.
2009 jylǵy aqpan-qarasha aralyǵynda QR Parlamenti Májilisi depýtatynyń kómekshisi boldy.
2009-2011 jyldary – QR Memlekettik hatshysy Hatshylyǵynyń konsýltanty.
2012-2021 jyldary Qazaqstan Respýblıkasy Prezıdenti Ákimshiliginiń Baspasóz qyzmetiniń sektor meńgerýshisi qyzmetin atqarǵan.
2021 jyldan qazirgi ýaqytqa deıin – Qazaqstan Respýblıkasy Aqparat jáne áleýmettik damý mınıstrligi Aqparat komıtetiniń tóraǵasy.