Gennadıı Golovkın aldaǵy ýaqytta chempıondyq ataǵyn qorǵaıtyn bolady. Dúnıejúzilik boks qaýymdastyǵynyń málimetinshe, orta salmaqtaǵy álem chempıony Gennadıı Golovkın (42-2-1, 37 KO) kýbalyq Erıslandı Laramen (29-3-3, 17 KO) jekpe-jek ótkizedi, dep habarlaıdy Egemen.kz.
Dúnıejúzilik boks qaýymdastyǵynyń (WBA) resmı saıty tıtýldy qorǵaýdyń mindetti málimetterin ashty. Básekelesterge kelissózder júrgizý úshin eki apta ýaqyt berildi.
«Sýper orta salmaqtaǵy álem chempıony Gennadıı Golovkın men Erıslandı Lara arasyndaǵy jekpe-jek týraly habarlaımyz. Boksshylarǵa 8-23 aqpan aralyǵynda (15 kún) kelissóz júrgizýge ýaqyt berildi», delingen WBA uıymynyń Twitter paraqshasynda.
Golovkın IBF tujyrymy boıynsha mindetti úmitker brazılııalyq Eskıva Falkaomen (30-0, 20 KO) kezdesýi kerek edi. Biraq Qazaqstan boksshysy bul tıtýldan bas tartty, al WBA balama nusqa tapty.
Sonymen qatar Golovkın men Lara komandalary kelispeı qalǵan jaǵdaıda WBA promoýterlik aýksıon jarııalaıdy.