Ardager sportshyǵa – Prezıdent alǵysy

– Men aıtarǵa sóz tappaı turmyn. Shynymdy aıtsam, Pre­zıdenttiń qarapaıym adamdardy baqylap, nazarynan tys qal­dyrmaıtynyna tań­ǵal­dym. Meniń uzaq jylǵy eń­be­gimniń eske­ril­ge­nine qatty qýan­dym, – deıdi aq­saqal.

Aqadyrdy uzaq jyl meken etken Ospanovtar áýleti óńirge etene tanys. Bul otbasy músheleri halyqaralyq arenada 31 ret je­ńiske jetken. 18 ret Ánuran áýeledi.

Qazaqstannyń birneshe dúr­­kin chempıony, paýerlıftıng­ten Azııa men álemniń eki dúrkin chempıony, Eńbek sińirgen jat­tyqtyrýshy Dári­baı Ospanov 1949 jyly temir­jolshylar otbasynda dú­nıege kelgen. Ol ǵumyryn temir­jolǵa arnasa da, sportty janyna serik etken. Al keıingi 18 jyl paýerlıftıngke den qo­ıypty. Ol alǵash 2010 jyly Fılıppındegi Azııa chempıo­natynda salmaǵy 140 kg shtangany kóterip, jeńiske jetipti.

Dáribaı aqsaqaldyń úsh balasy bar. Onyń bári de sport­qa beıim. Kenje uly Qara­man­dy 13 jasynan bastap ózi jat­tyqtyrady. Qaraman – Qazaq­stan­nyń eń­bek sińirgen sport she­beri, paý­er­lıf­tıngten ha­lyq­­aralyq dá­re­jedegi sport she­­beri. Ol da ha­lyqaralyq baı­­raqty bás­ke­le­lerde top jaryp júr. Oǵan qo­sa balalardy jat­tyqtyrady.

Úlken uly Almaz Ospanov – halyqaralyq dárejedegi sport sheberi, jo­ǵa­ry sanatty jat­tyqtyrýshy. Or­tańǵy uly – Ma­­­nas Ospanov sport she­beri. Ne­me­resi Aıtas – paýer­lıf­tıng­ten saıys­tarǵa bir­neshe már­­te qatys­qan, sport she­beri nor­­matıvin oryn­da­ǵan bo­lashaǵy zor bala.

Dáribaı Ospanov munymen toqtap qalmaıtynyn aıtady. Ol aptasyna bes ret jattyǵady. Úsh uly­men halyqaralyq jarys­tarda Qazaqstannyń namysyn qor­ǵaýǵa beldi bekem býǵan.

– Qazan aıynda Moń­ǵo­lııadaǵy álem birinshiligine qa­tysýdy jos­parlap otyrmyz, al maýsym aıynda Úndistanǵa baramyz. Sporttaǵy uzaq ómir súrýdiń basty qupııasy – únemi dene shynyqtyrýmen aınalysý, jaqsy qan aınalymy úshin syrtta júgirý qajet. Sonymen qatar aldymyzǵa maqsat qoıyp, olarǵa qol jetkizýimiz kerek. Me­niń maqsatym – eńbek si­ńirgen sport sheberi ataǵyn alý jáne bir­ne­she ret chempıon bolý, – deıdi sport ardageri.

Qaraǵandy oblysy