Úkimette Premer-mınıstr Álıhan Smaıylovtyń tóraǵalyǵymen ótken keńeste Sý resýrstaryn basqarý júıesin damytýdyń 2023-2029 jyldarǵa arnalǵan tujyrymdamasynyń jobasy qaraldy, dep habarlaıdy Egemen.kz Úkimettiń baspasóz qyzmetine silteme jasap.
Ekologııa jáne tabıǵı resýrstar mınıstri Zúlfııa Súleımenovanyń aıtýynsha, qujattyń maqsaty − eldiń sý resýrstaryn saqtaý jáne utymdy paıdalaný, ekonomıka jáne qorshaǵan orta salalarynyń qajettilikterin teńgerimdi qamtamasyz etý máselelerin sheshý.
«Biz sý ekojúıeleriniń retteý jáne qoldaý fýnksııalaryn saqtaý úshin olardyń uzaq merzimdi turaqtylyǵyn qamtamasyz etpekpiz. Tujyrymdama jobasy tórt negizgi mindetti qamtıdy: ónimdilikti, sý sapasyn, qolaısyz áserlerge tózimdilikti arttyrý jáne sý resýrstaryn basqarýdy jetildirý», dedi Z. Súleımenova.
2029 jylǵa qaraı Qazaqstanda magıstraldyq jáne sharýashylyqaralyq arnalar jelisi jańǵyrtylyp, avtomattandyrylady, barlyq negizgi gıdrotehnıkalyq qurylystarǵa kópfýnksıonaldy tekserý júrgiziledi dep josparlanyp otyr.
Budan basqa, qosymsha gıdrologııalyq beketter ashylady, sýmen jabdyqtaýǵa tarıfter qaıta qaralady jáne sýdy aǵyzý monıtorınginiń avtomattandyrylǵan júıesi engiziledi.
Talqylaý qorytyndysy boıynsha tujyrymdama jobasy maquldandy. Premer-mınıstr Álıhan Smaıylov salalyq vedomstvoǵa aıtylǵan usynystardy eskere otyryp, qujatty pysyqtaýdy tapsyrdy.