QR Premer-mınıstriniń orynbasary Altaı Kólginov Ulytaý oblysyna jumys sapary aıasynda «Aýyl amanaty», «Aýyldyq densaýlyq saqtaýdy jańǵyrtý», «Jaıly mektep» ulttyq jobalarynyń uzaq qurylystarymen jáne iske asyrylý barysymen tanysty, dep habarlaıdy Egemen.kz.
Sátbaev qalasynda vıse-premer Altaı Kólginov birneshe jyl buryn qurylysy bastalǵan 320 oryndyq oqýshylar saraıy men balabaqsha qurylysynyń barysymen tanysty.
Sondaı-aq Terekti stansııasynda mektep salynyp jatyr. Bul oqý orny oqý úshin qolaıly jaǵdaı jasaýǵa múmkindik beredi, óıtkeni qazir balalar apattyq mektepte oqýǵa májbúr. Ulytaý oblysy men Qaraǵandy oblysynyń ákimdikteri ortalyq memlekettik organdarmen birlesip, uzaqqa sozylǵan qurylystardyń paıda bolýyna jol bermeý jáne bastalǵan áleýmettik nysandardy aıaqtaý boıynsha jumys keshenin jandandyrý qajet.
Premer-mınıstrdiń orynbasary ulttyq jobalardyń iske asyrylý barysymen de tanysty. Máselen, «Aýyldyq densaýlyq saqtaýdy jańǵyrtý» baǵdarlamasy boıynsha Ulytaý oblysynda 20 alǵashqy medısınalyq-sanıtarlyq kómek nysany salynady, onyń ishinde perınataldyq ortalyq boı kóteredi.
«Memleket basshysynyń tapsyrmasy boıynsha elimizdiń óńirlerinde 12 perınataldyq ortalyq salynady. Olardyń qataryna Jezqazǵandaǵy perınataldyq ortalyq kiredi, óıtkeni qalada mundaı medısınalyq mekemeler boıynsha tapshylyq bar. Bul másele – Úkimettiń baqylaýynda. Aýyldyq densaýlyq saqtaýdy jańǵyrtý sheńberinde el óńirlerinde jáne shalǵaı aýyldarda barlyǵy 650-den astam medısınalyq-sanıtarlyq alǵashqy kómek nysany salynady. Bıyl óńirler MSAK-tyń 300 nysanyn salýǵa kirisýi tıis», dedi vıse-premer Altaı Kólginov.
Sondaı-aq óńirde «Jaıly mektep» jobasyn iske asyrý sheńberinde 7 oqý ornyn salý josparlansa, Jezqazǵan joǵary polıtehnıkalyq kolledjiniń bazasynda tehnıkalyq JOO qurý qolǵa alynbaqshy. Sonymen qatar vıse-premer Sátbaev qalasynyń sporttyq-saýyqtyrý keshenine bardy. О́ńir ákimdigi sport kesheniniń aýmaǵynda olımpıadalyq rezervtegi mektep-ınternat salýdy usyndy. О́ńirdegi sport seksııalarynda 7 jastan 15 jasqa deıingi 5 myńnan astam bala sportpen aınalysady. Qurylysqa qajetti jer ýchaskesi bar. Bul sharalar balalar men jastardy sportpen qamtýdy arttyrýǵa múmkindik beredi.
Altaı Kólginov Keńgir kentinde fermerlermen de kezdesti. Kezdesý barysynda «Aýyl amanaty» aýyl turǵyndarynyń tabysyn arttyrý jobasyn iske asyrý máseleleri talqylandy. Ulytaý oblysynda ótken jyly qatysýshylarǵa nesıe berý úshin 570 mln teńge berildi, bıyl qosymsha 2 mlrd 800 mln teńge bólinedi. Qoldanystaǵy óndiristerdi qoldaý jáne jańa óndiristerdi ashý óńirdi azyq-túlik qaýipsizdigimen qamtamasyz etýge múmkindik beredi. «Aýyl amanaty» jobasy bıyldan bastap óńirlerdiń ereksheligi men áleýmettik-ekonomıkalyq damýyn eskere otyryp, búkil el boıynsha masshtabtalatyn bolady.
Jumys sapary Ulytaý jáne Abaı oblystary, Qaraǵandy jáne Shyǵys Qazaqstan oblystary ákimderiniń orynbasarlarynyń, densaýlyq saqtaý, eńbek jáne áleýmettik qorǵaý, ǵylym jáne joǵary bilim, aýyl sharýashylyǵy, ulttyq ekonomıka jáne t.b. vıse-mınıstrlerdiń qatysýymen ótken keńespen aıaqtaldy.