Qorǵanys mınıstrligi Ortalyq sport klýbynyń bylǵary qolǵap sheberi, Qarýly kúshterdiń qyzmetkeri Temirtas Júsipov Vengrııanyń Debresen qalasynda Ishtvan Bochkaıdy eske alýǵa arnalǵan bedeldi halyqaralyq týrnırde altyn oljalady, dep habarlaıdy Egemen.kz..
Fınalǵa shyqqanǵa deıin Temirtas Júsipov 48 kelige deıin salmaqta eki márte jeńiske jetti. Onyń rıngtegi qarsylastary О́zbekstannan kelgen boksshy Donıer Bekmýrodov jáne ázerbaıjandyq sportshy Tural Sarıev boldy.
Qyrǵyzstannan kelgen boksshy Asylbek Amanqululymen sheshýshi jekpe-jekte tóreshilerdiń biraýyzdan sheshimimen Temirtas Júsipov jeńimpaz atandy. Osylaısha, armııa sportshysy halyqaralyq týrnırde Qazaqstan erler quramasynyń quramynda alǵashqy altyn medaldi jeńip aldy.
Aıta keteıik, Temirtas Júsipov – Qazaqstannyń alty dúrkin, Azııa (2013 jyl) jáne álem (2021 jyl) chempıony.