О́tken aptada №2 qalalyq balalar aýrýhanasynda domalaq oıynshyqtardy jutyp qoıǵan eki balaǵa kúrdeli operasııa jasaldy. Sábıdiń biri nebári 11 aılyq bolsa, ekinshisi – 1 jas 2 aılyq, dep habarlaıdy Egemen.kz elorda ákimdiginiń resmı saıtyna silteme jasap.
Aǵzaǵa túskennen keıin keıbir sharlardyń kólemi ósýi múmkin. №2 KQBA shuǵyl hırýrgııa bólimshesiniń meńgerýshisi Serik Baımýldın tájirıbe júrgizdi. Keshke qaraı sýǵa uqsas shardy salyp, tańerteń birneshe esege úlkeıgenin baıqaıdy. Biraq adam aǵzasyndaǵy suıyqtyqtar kádimgi sýǵa qaraǵanda áldeqaıda ózgeshe. Mundaı sharlar denede qarapaıym sýǵa qaraǵanda qatty isinýi múmkin.
Negizinen mundaı sharlar ash ishekke jabysyp qalady. Olar asqazanda isinip, ash ishekke túsip, bitep tastaıdy. Naýqasta úzdiksiz qusý, denedegi qurǵaqtyq bastalady, qyzýy kóterilip, ishek bitelip qalýy paıda bolady.
Dáriger balalardy mundaı jaǵdaılardan qorǵaý úshin qaýipti zattardy nazarda ustaýdy keńes beredi.
Balalar aýrýhanaǵa óte aýyr jaǵdaıda túsken. Bul jerde aýrýdy jıi ınfeksııamen shatastyrýyna baılanysty eki ese qaýip týyndaıdy. Eki bala da qusý belgilerin eskere otyryp, aldymen juqpaly aýrýlar aýrýhanasyna tústi. Keıin rentgen sýretine qarap, ishektiń bitelip qalýy dıagnozy qoıyldy. Bul ishek nekrozyna, keıin tipti adamnyń ólip ketýine aparýy múmkin. Mundaı jaǵdaılardy elemeý jáne shar nájispen birge shyǵady dep oılaý durys emes.
«Ata-analar balanyń bir nárseni jutyp qoıýy múmkin ekenin eskermegendikten, dıagnoz qoıý qıyndaıdy, óıtkeni olar jaǵdaıdy ózderi bilmeıdi. Adam mundaı kezde belgiler ishek ınfeksııasyna óte uqsas ekenin túsinýi kerek. Kishkentaı shar ash ishekte turyp qalǵanda nájistiń bolmaýy baıqalady», dedi Serik Baımýldın.
Ol balalarǵa kúrdeli aýyr ota jasalǵanyn aıtty. Ish qýysyn kesý arqyly aǵza túgeldeı qaıta tekserildi.
«Kishkentaı naýqastardyń jaǵdaıynda arnaıy hırýrgııalyq taktıka qoldanyldy, onda dárigerler shardy saýsaqtarymen jińishke ishekke qaraǵanda keńirek toq ishekke «jyljytady». Keıin sharlar nájispen birge tabıǵı jolmen shyqty. Laparotomııa, keń kesý, ishekke revızııa júrgizildi. Alda ne bolary belgisiz, qolymyzdan kelgenshe jasaı beremiz. Qolymyzda tek sýret pen klınıkalyq belgiler ǵana bar. Múmkindiginshe ishekti ashpaýǵa jáne «aıdaý» taktıkasyn qoldanýǵa tyrysamyz, óıtkeni ishekti kespeı, zaqym keltirmegen durys. Bul – hırýrgtyń ota kezinde qabyldaıtyn hırýrgııalyq taktıkasy. Mundaı shardy ári qaraı «aıdap», nájistiń shyǵýyn kútken durys», dedi dáriger.
Biraq nájis birden paıda bolmaıdy, óıtkeni úzdiksiz qusý nátıjesinde elektrolıtti balans buzylady. Ishek parezi kesirinen onyń jumysy toqtaıdy. Aldymen emdeý jospary túzetilip, elektrolıtter toltyrylady, óıtkeni toqtaýsyz qusýdan keıin balanyń denesinde qurǵaqtyq bolady. Operasııadan keıingi ekinshi kúni ǵana balalardyń jaǵdaıy jaqsara bastady.
Al magnıtterdi jutý odan da qaýipti – ishektiń perforasııasy paıda bolady, ártúrli jerlerde jabysady, onda tesikter, jaralar paıda bolady. Bul óte qaýipti.
«Eger ata-anasy ýaqytynda aýrýhanaǵa kelmegende jaǵdaı múldem basqasha bolýy múmkin edi. Mundaı kezde ishektiń nekrozy (ólýi) paıda bolýy múmkin. Qazir eki bala da qanaǵattanarlyq jaǵdaıda, emhanadan shyǵýǵa daıyndalyp jatyr», dedi dáriger.