Qazaqstannyń birinshi, álemniń 10-raketkasy Elena Rybakına men álemdik reıtıngte 43-orynda turǵan Iýlııa Pýtınseva Dýbaıdaǵy WTA 1000 týrnırine qatysady.
Júlde qory 2 788 468 mln AQSh dollaryn quraıtyn áıelder arasyndaǵy Dubai Duty Free Tennis Championships jarysynyń 9-raketkasy retinde tirkelgen E.Rybakına alǵashqy aınalymda dúnıejúzilik reıtıngte 36-satyǵa jaıǵasqan 2019 jylǵy AQSh ashyq chempıonatynyń jeńimpazy, kanadalyq Bıanka Andreeskýmen sheberlik baıqasady. Eki tennısshi buǵan deıin kortta bir márte kezdesip, jerlesimizdiń jeńisimen aıaqtalǵan – 6:4, 7:6.
Al Iýlııa Pýtınseva bastapqy kezdesýin álemniń 30-raketkasy horvatııalyq Petra Martıchpen ótkizedi. Bul eki tennısshi arasyndaǵy úshinshi kezdesý bolmaq. Buǵan deıingi eki matchta da Iý.Pýtınseva jeńis toıyn toılaǵan bolatyn.