QR Aqparat jáne qoǵamdyq damý mınıstrligi keshe túnde jýrnalıst Vadım Boreıkonyń áriptesine qatysty oqıǵaǵa túsinikteme berdi, dep habarlaıdy Egemen.kz.
Jýrnalıst Vadım Boreıko 19 qańtarǵa qaraǵan túni belgisiz bireýler úıiniń aldyna kelip, esigine montajdaý kóbigin quıyp ketkeni týraly aıtqan edi.
Al búgin ol óziniń Facebook paraqshasynda belgisiz bireýler operatorynyń eki kóligin órtep jibergenin jazdy.
«20 aqpan kúni operatorymnyń eki kóligin bireýler jaryp ketti», dedi ol.
Jýrnalıst janyp jatqan kólikterdiń beıne jáne foto aıǵaqtaryn qosa jarııalady.
QR Aqparat jáne qoǵamdyq damý mınıstrligi aldyńǵy bolǵan oqıǵaǵa baılanysty málimdeme jasady.
«Almaty qalasynyń Ishki ister departamenti sotqa deıingi tergep-tekserý amaldaryn jasap, tıisti saraptama taǵaıyndady. Máseleniń mán-jaıy naqtylanyp jatyr. QR AQDM jýrnalıstik qyzmetke kedergi keltirýge jol bermeıdi jáne barlyq qajetti kómekti kórsetedi», delingen málimdemede.