Ǵalym, fılosofııa ǵylymdarynyń doktory, professor, QR UǴA akademıgi Ábdimálik Nysanbaev 86 jasynda qaıtys boldy. Qaıǵyly habardy «Ǵylym ordasy» RMK rastady, dep habarlaıdy Egemen.kz.
Ábdimálik Nysanbaev 570-ten astam ǵylymı, ǵylymı-saraptamalyq, ǵylymı-ádistemelik eńbekter, sonyń ishinde 30 monografııa, jeke kitaptar men oqý quraldaryn jazǵan. Akademıktiń birneshe eńbegi 25 tilde jaryq kórgen.
Ábdimálik Nysanbaevtyń negizgi zertteý eńbekteri dıalektıka jáne tanym teorııasy, ǵylym fılosofııasy men metodologııasy, qazaq jáne túrki fılosofııasy, áleýmettik jáne saıası fılosofııa, saıasattaný jáne mádenıettaný máselelerine negizdelgenin atap ótý kerek.
Ol Qazaqstanda ǵylymı mektep qalyptastyryp, ǵylym doktorlary men kandıdattaryn daıyndaǵan.
Akademık ǵylym salasyndaǵy eńbegi úshin Qazaqstannyń (1984) jáne Túrkııanyń (1999) Memlekettik syılyqtaryn, QR Prezıdentiniń Beıbitshilik pen rýhanı tatýlyq syılyǵyn alǵan (1998), «Otan», «Parasat» (2004) ordenderi (1998) men birneshe medaldarmen marapattalǵan.