Búgin elordada kópqabatty páterden órt shyǵyp, 30-ǵa jýyq adam evakýasııalandy, dep habarlaıdy Egemen.kz.
21 aqpan kúni saǵat 12:26-da Astana qalasynyń Tótenshe jaǵdaılar departamentiniń órt sóndirý bólimsheleri Saryarqa aýdany, Qosshyǵululy kóshesi 22/1 mekenjaıyna jóneltildi. О́rt sóndirýshiler jetken kezde ekinshi qabattaǵy páterde 25 sharshy metr aýmaqta jıhazdar men turmystyq zattar janyp jatqany anyqtaldy.
«О́rtti sóndirý barysynda astanalyq órt sóndirýshilerdiń kúshimen betperdeler men baspaldaqtyń kómegimen 26 adam evakýasııalandy, onyń ishinde 13-i - bala. 125-ke jýyq adam qaýipsiz jerge kóshirildi. 6 adam jedel járdem brıgadasy men Apattar medısınasy ortalyǵynyń dárigerleri qosymsha tekserý úshin aýrýhanaǵa jetkizildi, onyń ishinde 3-eýi - bala», dep habarlady elordalyq TJD baspasóz qyzmeti.
О́rtti sóndirýge Astana qalasy Tótenshe jaǵdaılar departamentiniń jeke quramynyń 18 adamy men 4 tehnıkasy jumyldyryldy.