Aqnur Jıdebekqyzy – «6D051700-Innovasııalyq menedjment» mamandyǵy boıynsha PhD doktory, «Ekonomıka» mamandyǵy boıynsha qaýymdastyrylǵan professor, ál-Farabı atyndaǵy Qazaq ulttyq ýnıversıteti Ekonomıka jáne bıznes joǵary mektebi dekanynyń ǵylymı- ınnovasııalyq qyzmet jáne halyqaralyq yntymaqtastyq jónindegi orynbasary QR ǴJBM «2022 jylǵy JOO-nyń úzdik oqytýshysy» baıqaýynyń jeńimpazy atandy.
Bilim berýdiń barlyq úsh deńgeıinde: «Memlekettik jáne jergilikti basqarý» mamandyǵy boıynsha bakalavrıat, «Innovasııalyq menedjment» mamandyǵy boıynsha magıstratýra jáne doktorantýrada Aqnur Jıdebekqyzy ál-Farabı atyndaǵy QazUÝ-de bilim aldy. «Menedjment» kafedrasynda oqytýshy, aǵa oqytýshy retinde qyzmet atqara júrip, 2017 jyldyń jeltoqsanynda «Qazaqstandaǵy ǵylymı-zertteý jumystarynyń nátıjelerin kommersııalandyrýdy basqarý (jasyl tehnologııalar mysalynda)» taqyrybyndaǵy dıssertasııasyn aǵylshyn tilinde sátti qorǵady. 2018 jyly Aqnur dekannyń ǵylymı-ınnovasııalyq qyzmet jáne halyqaralyq baılanystar jónindegi orynbasary laýazymyna shaqyryldy, bul qyzmetin ol magıstranttar men doktoranttarǵa «Menedjment» kafedrasynda sabaq berýmen qosa atqarý ústinde.
Qazaq, orys jáne aǵylshyn tilderin erkin meńgerý Aqnurǵa stýdentterdiń pikirsaıys klýbyna belsene at salysýyna, túrli ǵylymı-praktıkalyq konferensııalarda baıandama jasaýyna, otandyq jáne halyqaralyq zertteý jobalaryna qatysýyna múmkindik berdi. Máselen, ol QR Ǵylym jáne joǵary bilim mınıstrligi qarjylandyratyn birneshe jobany oryndaýǵa qatysty, qazirgi ýaqytta «Qazaqstandaǵy sırkýlıarlyq ekonomıkany damytý: áleýet, úrdister, perspektıvalar» taqyrybyndaǵy jobanyń ǵylymı jetekshisi.
2018-2020 jyldar aralyǵynda Aqnur ınstıtýsıonaldyq úılestirýshi retinde Eýroodaqtyń Erasmus+ baǵdarlamasynyń 800 myń eýrodan astam bıýdjeti bar «Jańa áleýmettik orta – ENINEDU-ge sáıkes joǵary bilim men korporatıvtik sektorlardyń ıntegrasııasyn jaqsartý» taqyrybyndaǵy halyqaralyq jobasyn iske asyrdy. Bul jobanyń maqsaty – oqý baǵdarlamalarynda oqytýdyń zamanaýı ádisterin qoldaný praktıkasyn zerdeleý jáne oqytý nátıjelerin ólsheý, árbir áriptes el úshin qolaıly bıznes-JOO yntymaqtastyq júıesinde keshendi standartty daıyndaý, JOO-lardyń bıznespen yntymaqtastyǵyna qatysty EO elderindegi etalondyq ulttyq zańnama boıynsha taldamalyq zertteýler júrgizý. Bul kásipkerlik salasynda túlekterdi sapaly daıarlaýǵa yqpal etedi.
Aqnur Jıdebekqyzy ǵylymı qyzmetpen belsendi aınalysady. Ol Sıngapýrda, Koreıada, Norvegııada, Avstralııada ótken Halyqaralyq ǵylymı-praktıkalyq konferensııalarǵa qatysty. Ispanııa, Ulybrıtanııa, Fransııa, Grekııa, Slovakııa, Avstralııa, Estonııada ǵylymı taǵylymdamadan ótti. Erasmus+ oqytýshylarynyń utqyrlyq baǵdarlamasy aıasynda Nıderlandy men Polshada dáris oqydy.
2019 jyly Aqnur ál-Farabı atyndaǵy QazUÝ «Úzdik jas ǵalym» baıqaýynyń jeńimpazy, 2021 jyly «Jas ǵalymdarǵa arnalǵan memlekettik ǵylymı stıpendııanyń» ıegeri atandy. Sondaı-aq ol – dıssertasııalyq keńesterdiń jáne QR ǴJBSSQEK usynǵan basylymdar tizbesine kiretin ǵylymı jýrnaldardyń redaksııalyq alqasynyń múshesi, «Farabi Journal of Social Sciences» jýrnalynyń ǵylymı redaktory. Professor-oqytýshylar quramy men doktoranttardyń ǵylymı jáne jarııalanymdyq belsendiligin arttyrýǵa baǵyttalǵan vebınarlar serııasynyń avtory.
Aqnur 50-den astam maqala jarııalaǵan. Ǵylymı zertteýler salalary ınnovasııalyq menedjmenttiń ózekti máselelerin, sondaı-aq jasyl ekonomıkany, turaqty damýdy, memlekettik jáne jergilikti basqarýdy, jobalardy basqarýdy zertteýge arnalǵan kóptegen máselelerdi qamtıdy. Scopus bazasy boıynsha Hırsh ındeksi 5-ke teń.
Aqnur Jıdebekqyzy «Joǵary oqý ornynyń úzdik oqytýshysy – 2022» ataǵyna ábden laıyqty. Aqnurǵa oqý, ǵylymı jáne basshylyq qyzmetinde shyǵarmashylyq tabys tileımiz!
Aqnur Jıdebekqyzy – ál-Farabı atyndaǵy QazUÝ EBJM «Menedjment» kafedrasynyń maqtanyshy.
G. SANSYZBAEVA,
e. ǵ. d., QazUÝ, Menedjment kafedrasynyń professory,
L.ÁShIRBEKOVA,
e. ǵ. k., QazUÝ, Menedjment kafedrasynyń dosenti