Aýyr atletıkadan Tokıo Olımpıadasynyń qola júldegeri Igor Sonǵa dopıng qoldandy degen aıyp taǵylyp, 8 jylǵa sporttan shettetildi.
Qazaqstan aýyr atletıka federasııasy taratqan málimet boıynsha, 2022 jyldyń 9 aqpany men 2 naýryzy aralyǵynda Qazaqstan Ulttyq dopıngke qarsy ortalyǵy jarystan tys dopıng-baqylaý sheńberinde ulttyq qurama sportshylary arasynda testileý ótkizip, onyń qorytyndysy boıynsha Igor Sonnan oń dopıng-synama anyqtalǵan.
Olımpıada júldegeri osymen ekinshi ret dopıng daýyna ilinip otyr. Buǵan deıin ol 2015 jyly tyıym salynǵan preparatty paıdalanǵany úshin de jeti aıǵa jazalanǵan bolatyn. Antıdopıng erejesine saı, qatarynan eki ret dopıngpen ustalǵan atlet 8 jylǵa sporttan shettetiledi.
Aıta keteıik, I.Sonnan dopıngti Qazaqstan Ulttyq dopıngke qarsy ortalyǵy anyqtaǵan soń, onyń Olımpıada men 2019 jylǵy álem chempıonatyndaǵy júldesi ózinde qalady.