Japonııada Enshýhama jaǵalaýynan tabylǵan úlken metall shar jergilikti turǵyndardy tańǵaldyrdy, dep habarlaıdy Egemen.kz.
Shardy jergilikti turǵyn tapqan. Ol jaǵalaýdaǵy erekshe zatty baıqaǵannan keıin polısııaǵa habarlaǵan.
Polısııa bul aımaqty qorshap, zertteý júrgizdi. Alaıda qaýip tóndiretin eshteńe baıqalmaǵan. Biraq belgisiz shardyń paıda bolýy kúdik týdyrdy.
Japonııa 2019 jyldan beri aspannan úsh ret baqylaý sharyn baıqaǵan. Atalǵan eldiń boljamynsha, ol Qytaıǵa tıesili. Biraq Beıjiń tyńshylyq aıypty joqqa shyǵarǵan.
Sársenbi kúni eki eldiń qorǵanys mınıstri qaýipsizdik máseleleri jóninde sóılesip, osy kóktemde senim telefonyn iske qosýǵa kelisti.