О́tken aptada áleýmettik mańyzy bar azyq-túlik taýarlarynyń baǵasy 0,3 paıyz ósti. Al jyldyq mánde alǵanda ósim 23,7 paıyzdy qurady, dep habarlaıdy Egemen.kz Ulttyq statıstıka bıýrosyna silteme jasap.
«Nan 0,3%, makaron ónimderi 0,7%, sary maı 0,7%, sıyr eti 0,3%, kúrish 1,5%, pııaz 2,3%, qyryqqabat 3,4%, súzbe 0,2%, kartop 0,6%, sábiz 0,8%, tuz 0,5%, aıran 1,1% qymbattady. Baǵanyń ózgerýi týraly aqparat apta saıyn barlyq oblys ortalyǵynan, respýblıkalyq mańyzy bar qalalardan jınalady», delingen bıýro málimetinde.
2023 jylǵy 21 aqpandaǵy derekterge súıensek, 1 l ósimdik maıynyń ortasha baǵasy – 903 teńge, 1 keli rojkı – 309 teńge, 1 keli kúrish – 376 teńge.